husn jis ra.ng me.n hotaa hai jahaa.N hotaa hai - - Talat
- Movie: non-Film
- Singer(s): Talat Mehmood
- Music Director:
- Lyricist: Jigar Moradabadi
- Actors/Actresses:
- Year/Decade: unknown
View: Plain Text, हिंदी Unicode,
imagehusn jis ra.ng me.n hotaa hai jahaa.N hotaa hai
ahal-e-dil ke liye saramaayaa-e-jaa.N hotaa hai
haay wo waqt ki jab husn pe aataa hai shabaab
uf wo ha.ngaam ki jab ishq jawaa.N hotaa hai
dil ko bedard muhabbat me.n bataane waale
dil saa hamadard zamaane me.n kahaa.N hotaa hai
waqt aataa hai ik aisaa bhii mohabbat me.n ki jab
dil pe ehasaas-e-mohabbat bhii garaa.N hotaa hai
Comments/Credits:
% Credits: U V Ravindra
image